صاحبي حبل الرجا توما طويته
دامك أنت الدرب والعمر المسافه
والزمان اللي مضى كانك نسيته
مستحيل ان النهر ينسى ضفافه
قلت ما تقوى على البعد,, وقويته
هو بقى شي بهالدنيا تخافه
آه لو ياطاك بعض اللي وطيته
كان عمرك يابعد عمري تعافه
وكان قلبي في غيابك ما كويته
وكان ما خليت للبرد ارتجافه
أنت تستاهل جميع اللي خذيته
كل شي جاك ما اعتبره حسافه
والقصيد اللي على شانك بنيته
ينهدم معناه لو ما كنت قافه
صاحبي ما أنت أول انسان بكيته
لكن أنك آخر دموع الكسافه