عطيت علم ولا لقى العلم تفسير
واضح غموضه بين همزة وكسره
واخذت له من معجم الوقت تعبير
وأبدلت له حرفين بحروف عسره
وتبينت لي بعد شوف المناظير
ان الخليه ما لها غير بسره
لها التحكم في جميع المعايير
تاخذ وتعطي في سهوله ويسره
معلومةٍ ياقف لها كل تصوير
خلاقها اللي كوَّن الكون بأسره
والوقت ناخذ منه عبره وتقرير
إن الليالي ما تعود بحسره
إلا لمنهو مالقى بالمصادير
اللي يفيده لا بغى فك أسره
أسير وقته والعنا والمقادير
تقفي وتقبل به على نفس جسره
في دايرة واقع زمانه نسى الغير
وما يكسبه مجبور لازم يخسره