غيم الاماني والامل غاب نوره
بين النظر والعين والقلب والروح
لو صورة الغالي,, مثل كل صوره
كان احتفى به وابتهج وين ماروح
عزاي في ذكرى المفارق سطوره
اللي ضمنها الجرح والدمع والنوح
درب المحبه لو تحطم جسوره
يبقى الغلا والشوق والصمت والبوح
لاجيت افتش في بقايا شعوره
يهل من عيني له الدمع مفضوح
الموج لامن هاج تغرق بحوره
والليل ماهو ليل والصبح له ضوح
كانت لي المعنى وصادق حضوره
مثل المطر والغيم والعشب والدوح
وكانت لي الواقع وفوضى غروره
وآمال ماينبت لها العذر مسموح
