خليك مني يالحبيبة قريبه

وأوعدك ما أخونك على مرّ الأيام

أرجوك قولي وش علامك كئيبه

ما أحب أشوفك سارحة بين الأوهام

في غيبتك شفت الليالي عصيبه

والطرف من زود التفاكير ما نام

الشوق في صدر تزايد لهيبه

والهم يصلاني شقا ضيم وآلام

ياسي وحزني والجروح العطيبه

قصه تناولها روايات الأفلام

يا بنت روحي من غرامك صويبه

والوقت في جلب الهواجيس عزَّام

يا بنت لو راح العمر من يجيبه

نصفه شتات وباقي النصف الأحلام

معذورة انتي في زمانك غريبه

مالك أمل يا كود تأنيب الأيام