قالوا تحبه قلت بالحيل واغليه

اغلى من عيوني وقلبي وروحي

وقالوا جميل وقلت هذي مواريه

حسن وادب جذاب قلبه سموحي

اهيم في حبه وفي وصفه اتيه

الشعر في وصفه حصان جموعي

طيفه على بالي ولاني بناسيه

مادمت حي مخلص له نصوحي

افزفزة مولع شاف غاليه

من فرحته في بحر دمعه سبوحي

رحب وهلا به وعينه تراعيه

والعود الازرق في وجوده يفوحي

في ذكر من تفري وصوفه وطاريه

برق المحبه في سمانا يلوحي

مبدا المعزة والشرف من مباديه

هذاك محبوبي وبلسم جروحي

بين الحنايا شامخات مبانيه

شيد بحبه في خفوقي صروحي

وافي وفي بالحيل مغليه

انشهد انه منوتي روح روحي