أرفض أسلوب الحكي إن كان قاسي

وأرفض أيضاً كل أسلوب الخطأ

شفني اتعب وانت ما حسيت ناسي

وشفني احسب كل وقتك والبطا

وشفني بعالم جمع كل المآسي

ورغم هذا باقي فيني عطا

مجهد نفسي على كثير احتباسي

والجروح اللي أثرها بي سطا

وتايهن مابين خوفي واحتراسي

كن مالي بأي معمورة مطا

يا حبيبي انت عزي وانت باسي

وانت ما غيرك على فكري امتطا

ما عمر قدرك نزل من فوق راسي

عالي قدرك ولا فوقه غطا

لا تطولها معي وتصير قاسي

اعتقد هذا من اسلوب الخطا