وين الغريب.. وكل ما منك به زود

مثلك كثير انصاف عقلٍ وقيمه

نشّره على اللي كل ما منه به فود

والا انت وامثالك رخومٍ سقيمه

ما جبت من عندي على افعالك شهود

تشهد لك سنينٍ بحقدك قديمه

ضاعت حياتك بين رغباتك السود

وعز الله ان البعد عنكم غنيمه

ما قلتها كرهٍ.. ولا قلتها جحود

الله عليمٍ بالنوايا السليمه

ادري ابتلاك الله في كل منقود

سبحانه ادرى بالنفوس العقيمه

شيطان قلبك صرت له عبد موجود

يلقاك دايم للردى والظليمه