اللي يخاف من الهجر لا لا يطول بالغياب

والكسر لو هو ما جبر طول الزمن ما يجبره

واللي وصل سطح القمر ما يقنعه شوف التراب

واللي جمع حب البشر ما هو مثل من ينثره

واللي نسى ما بيننا لا تلحقه لوم وعتاب

خله يرجعه الغلا وان ما رجع لا تذكره

ما يرتوي شيح الفلا الا بعد مزن السحاب

وعشب البحر ما هو بحاجة للسحابه تمطره

بعض الخطا يا صاحبي لو تنكره قالوا صواب

وبعض الخطا يبقى خطا حتى لو انك تنكره

دامك تبي تروي الضمى لا تطرد أوهام السراب

تروي ضمى جوفك ضمى ولا فيه صبر تصبره

بيني وبينك وصلت يا صاحبي حد النصاب

فاضت على فم السكوت وفضفضت من محجره

يا صاحبي هذا الجواب اليا تحريت الجواب

وان كنت انا مخطي كذا سامح خويك واعذره

وآخر كلامي يا شباب يا حضرة أصحاب الجناب

اللي يطول بالغياب لا يلومنا لو نهجره

علي العنزي

صفحة الجزيرة الرئيسية

الصفحة الرئيسية

رأي الجزيرة