عبدالعزيز بن سعود المتعب
بأسنا أقوى منك يارخو الجناح
ياذنيب إيران واللّي غيرها
ياحويثي الفلس والإنبطاح
السياسه ماانت والله طيرها
وين وجهك عن مقاديم السلاح
مختفي يافويرةٍ بجحيرها
مالك إلاّ زيف نهجك والنباح
منضوي مع من سقط تدبيرها
كل تاريخك وضيعٍ مستباح
خطتك درب الرذيله سيرها
مابعد حربك على مكه فلاح
مشرك وللمشركين أجيرها
بعدها دمّك وأسيادك مباح
الجعار ماهم أحد جعيرها
يامليشي في هجادٍ أو صباح
أنت وأسيادك مااحد يجيرها
كم عدو راسه عن المتنين طاح
ودايم أهل الغدر ذا مصيرها
دارنا من يومها شلف ورماح
فوق قب من بالنواصي خيرها
من يعاديها شرب سمٍ ذحاح
لاصلوه رجالها بسعيرها
لادعا الداعي وبرق الحرب لاح
ردّوا السربه على مغيرها
عزّنا مثل السماء اللّي ماتزاح
يالئام صويرها.. وعويرها