يوم الوطن نافل على كل الايام
يوم يذكرنا بماضي العوامي
وكفاح شيخ بالملازيم جزام
هذاك أبو تركي عريب العمامي
هذاك أخو نوره ذرى كل منظام
الوايلي صيروم نجد الامامي
لم الجزيره من يمنها الى الشام
والنور طلعاته تزيل الظلامي
من دار ابو جابر مشى الشيخ قدام
ويقول شوفت نجد غاية مرامي
ودوم يتخيلها بلذات الاحلام
واليا تذكرها يعاف الطعامي
وجاها عقب ما غاب عنها 12 عام
يطوي الفيافي والجبال الزوامي
وجمع شعوب كانوا أشتات واقسام
ستين عام ما اهتنى بالمنامي
وصارت بخير وعز وافراح وانعام
واللي زبن دار الفخر ما يضامي
وفي كلمة التوحيد والخير وحسام
رفرف علمها والسعد دوم قامي
ثم انتقل لجوار باري وعلام
وعساه بالجنة نهار الزحامي
وبعده عياله كل فارس وضرغام
سعود والفيصل وخالد اكرامي
ثم الزعيم اللي تصدى للاخصام
رد الجميل وجارته ما تضامي
الامجد الافخم عن الحق ما نام
هذاك ابو فيصل رفيع المقامي
وولي عهده للوطن درع واحزام
ضد العنيد اللي عن الحق عامي
والنايب الثاني على العز واكرام
سلطان ابو خالد عداه الملامي
والاسره اللي عزهم عز الاسلام
الكل منهم له يزيد احترامي
وختامها صلوا على خير من صام
شفيع الامه سيد كل الانامي
