يا ديرتي ما نتي بليا معازيب
دونك سيوف عيال صقر الجزيره
شطار تأدب شين الأطباع تأديب
سيوف العداله بالملاقا شطيره
من جالهم بالطيب يجزونه بطيب
ومن جالهم بالبوق حاسوا مريره
دونك فهد يا دار عطب المضاريب
دون الوطن والشعب عينه سهيره
معروف بالشدات شرقاً وتغريب
ملك ملك للشعب ودا وغيره
مضاربه بالراس ما هن متاريب
ولي عهده بالملازم ضخيره
راع الوفاء والطيب راع التراحيب
ما خلف عن الطولات وجهت مسيره
وسلطان يظهر يوم وقت المناشيب
حرا يريب أعداه تطمع بغيره
يا ديرتي انتي بروس الشخانيب
وكف العادي دون لمسك قصيره
كم دولة ياقف لها فهد ويجيب
خيره شمل غير الوطن كل ديره
غير الغطاء والزاد عذب المشاريب
يعطي إليا شح الردي بالصغيره
أنشد انه يحتفظ بالمواجيب
فزاع للمحتاج فزعه كبيره
وسلام مني عد خط المكاتيب
ياصل حكيم الراي عبر الجزيره
